“Čakavčići pul Ronjgi”
Promocija 29. zbirki „Čakavčići pul Ronjgi“, održala se je 22. novembra va opatijskoj osnovnoj škole. Burica je nosila, rivala, vukla, vlasi kosmala, brhani zdigala. Očistila je su šporkicu i storila večer čistu kot dečja duša. Va dajine se j’ mesec kupal va more pušćajuć za sobun zlatni tragi svetlobi.
Uz tanac, kanat i prijatelske besedi domaćini i organizatori, proglašeni su nagrajeni učeniki. Čuli su se zlatni glasi i more rashitaneh lepeh domaćeh čakavskeh besed. Besed mileh, tepleh, puneh jubavi, ke ne more pisat neki ki ne voli ov kraji njegovi judi, ki ne voli svet okolo sebe i svoju zemjicu. Aš niš ni lepče i iskreneje od besed izrečeneh z dečjega srca.
Mej najbojemi mlademi pjesniki i ovo leto je bil školan naše školi, učenik Patrik Host ki je za pjesmu Prijatel je tu nagrajen z prven meston.
Dečje besedi steplile su nan dušu. Ponosni smo na Patrika i želimo mu još čuda uspjeha. Fotogalerija
Nina Dukić Srok, prof.
Pošalji prijatelju
| « Travanj 2024 » | ||||||
| Po | Ut | Sr | Če | Pe | Su | Ne |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | 1 | 2 | 3 | 4 | 5 |
| 6 | 7 | 8 | 9 | 10 | 11 | 12 |
