Promocija 28. zbirki Čakavčići pul Ronjgi
Va punen hole Osnovne školi „Klana“ predstavjena je 28. zbirka Čakavčići pul Ronjgi. Knjiga puna jubavi za besedu ka ima dušu, dobrotu i lepotu. A to je ono ča nan sen rabi. Zavin tega ni jena prazna kantrida ni se mogla nać tu večer. To govori kuliko domaći judi drže do svoje besedi. Tako rabi i bit.
Osnovna škola "Klana" bila je domaćin manifestacije pa je parićala veseli program va ken se je tancalo, kantalo i recitiralo po klanjsku. Program su obogatili svojen nastupon i školani z Osnovne školi „Fran Franković“ z Drenovi. Nagrajeni učenici čitali su svoji radi pak je publika mogla doznat smo o čemu maštaju, čemu se vesele, od čega povedaju. Mej nagrajenemi je bil i Patrik Host, učenik naše školi, ki je dobil prvu nagradu va kategorije od 5. do 8. razreda za pjesmu „Briškula“. Čestitamo našemu Patriku!
Si su zameritali velu pohvalu. Školani ki pišu, učitelji ki jih usmjeravaju, roditelji ki i doma njeguju zajik i pomoru da se više koristi i razvija, aš on je najstareji hrvatski zajik i trebe ga pričuvat za buduće generacije. Fotogalerija
Nina Dukić Srok, prof.
Pošalji prijatelju
| « Ožujak 2023 » | ||||||
| Po | Ut | Sr | Če | Pe | Su | Ne |
| 27 | 28 | 1 | 2 | 3 | 4 | 5 |
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | 1 | 2 |
| 3 | 4 | 5 | 6 | 7 | 8 | 9 |
